Nung gabing sinabi mong ako'y iyong mahal
Tumawa lang ako,
At marahil, nasaktan ko ang inipon mong lakas ng loob
Ngunit, muli, binasa mo akong mali
Dahil sa maiksing halakhak ko,
Duon nakapaloob ang lahat ng aking emosyon
Narinig mo ang tinig na tumatawa
Ngunit hindi ang pusong nadudurog
O nagtatanong ng paano na?
Ngayon mo sabihin sa akin,
Paano mo iibigin nang walang hanggan
ang taong 'di mo naririnig pag siya'y walang imik?
